Фудбалерите на холандски Феенорд станаа косопственици на најубедливата победа во историјата на Лига Европа, која заживеа во денешниот формат во 2009 година, совладувајќи го украинскиот Шахтјор со 7:1 пред своите гледачи во реваншот од осминафиналето.
Тимот под водство на хрватскиот стручњак Игор Јовичевиќ веќе заостануваше со три гола на полувремето на легендарниот „Де Куип“ во Ротердам, но целосно се распадна во првиот дел од вториот дел, кога Холанѓаните постигнаа уште три гола во интервал од седум минути.
Мексиканецот Сантијаго Хименез веќе во 9 минута првпат го совлада гостинскиот голман Трубин, а до крајот на полувремето турскиот капитен на Феенорд, Оркун Кокча двапати ја затресе мрежата, во 24 минута со прецизен удар од работ на шеснаесетникот, а во 38 минута од пенал. Потоа Мароканецот Усама Идризи постигна два гола, првиот во 49 минута, а вториот во 60 минута.
За 6:0 стрелец во 64 минута беше Иранецот Алиреза Јаханбахш, а за 7:0 се погрижи Бразилецот Данило Переира во 67 минута. Поразот на украинскиот тим го ублажи Венецуелецот Кевин Келси во 87 минута.
Во Истанбул, Севилја ја одбрани победата од 2:0 од првиот натпревар. Фенербахче победи но постигна само еден гол, кој не беше доволен за да се достигне или надмине резултатот од првиот меч. Стрелец беше Енер Валенсија во 41 минута од пенал.
Ако остане доследна на традицијата, Севилја повторно ќе ја освои Лигата на Европа. Имено, тимот од Андалузија секогаш кога стигнуваше до четвртфиналето завршуваше со победничкиот пехар во раце, а тоа се случи во четири наврати (2014, 2015, 2016 и 2020 година).
Во Севилја, пак, Манчестер Јунајтед лесно ја одбрани предноста од 4:1 од првиот меч со Реал Бетис, а нова победа за избраниците на Ерик тен Хаг обезбеди Маркус Рашфорд со прецизен и моќен удар од 25 метри во 56 минута.
Јувентус победи со 2:0 на гостувањето во Фрајбург за вкупни 3:0 против германскиот тим. Душан Влаховиќ реализираше пенал во финишот на првото полувреме, а домашните останаа со играч помалку, бидејќи Гулде доби втор жолт картон за играње со рака. За конечните 2:0 стрелец беше Федерико Киеза во петтата минута од судиското продолжение на крајот од натпреварот.
Лига Европа, резултати од реванш натпреварите од осминафиналето
Бетис – Манчестер Јунајтед 0:1 (Рашфорд 56)
(вкупен резултат 5:1 за Манчестер Јунајтед)
Фенербахче – Севилја 1:0 (Валенсија 41-11м)
(вкупен резултат 2:1 за Севилј)
Феенорд – Шахтјор Доњецк 7:1 (Хименез 9, Кокчу 24, 38-11м, Идризи 49, 60, Јаханбахш 64, Данило 67 / Келси 87)
(вкупен резултат 8:2 за Феенорд)
Фрајбург – Јувентус 0:2 (Влаховиќ 45-11м, Киеза 90+5)
(вкупен резултат 3:0 за Јувентус)
Арсенал – Спортинг 1:1 (Џака 19 / П. Гонкалвес 62)
(вкупен резултат 3:3, се игра продолженија, на пенали 3:5)
Ференцварош – Баер Леверкузен 0:2 (Дијаби 3, Адли 81)
(вкупен резултат 4:0 за Баер)
Реал Сосиедад – Рома 0:0
(вкупен резултат 2:0 за Рома)
Унион СГ – Унион Берлин 3:0 (Теума 18, Лазаре Амани 63, Лапусин 90+4)
(вкупен резултат 6:3 за Унион СГ)
