Премиерата на новиот Бонд „Spectre“ закажана за 26 октомври

Новиот филм за агентот Џејмс Бонд, „Spectre“ на режисерот Сем Мендес во кината во Велика Британија и во Ирска ќе се појави на 26 октомври, заедно со светската премиера истата вечер во Лондон.

– Првпат во историјата филмот ќе биде истовремено прикажан во кината ширум Велика Британија и Ирска, соопшти дистрибутерот „Сони Пикчрс“.

Улогата на агентот 007 ја толкува Дениел Крејг, а во филмот, меѓу другите, играат и Ендрју Скот, Наоми Харис, Моника Белучи и Ралф Фајанс.

Филмот во кината во САД ќе се појави на 6 ноември.

Последниот филм за Џејмс Бонд, „Skyfall“ од 2012 година, заработи 1.1 милијарди долари ширум светот.

Доколку преземете содржина од оваа страница, во целост сте се согласиле со нејзините Услови за користење.