Претежно облачно и доста свежо со повремени врнежи од дожд

Времето во Македонија во четвртокот ќе биде претежно облачно и свежо со повремени врнежи од дожд.

Пообилни врнежи ќе има во западните делови, каде повремено ќе бидат поројни и се очекува локално да наврнат до 20 литри на квадратен метар дожд. Ќе дува слаб до умерен ветер од југоисточен правец.

Утринската температура се движи од 9 до 16, а максималната ќе достигне од 14 до 20 Целзиусови степени.

Во Скопје и околината денеска ќе биде претежно облачно со повремен дожд и со слаб до умерен југоисточен ветер. Утринската температура се спушти до 15, а дневната ќе достигне до Целзиусови 18 степени.

Во петок претпладне ќе има повремен локален дожд со послаб интензитет, а попладне ќе настапи постепено стабилизирање на времето. За време на викендот и во првите денови од следната седмица ќе преовладува сончево време со умерена облачност и со пораст на дневните температури.

Доколку преземете содржина од оваа страница, во целост сте се согласиле со нејзините Услови за користење.