Градот под Марковите кули е подготвен за пречек на гостите и за одбележување на 14-тиот меѓународен карневал „Прочка“.
За годинава најавени се гости од Србија, Хрватска, Албанија, Бугарија, за прв пат од Сардинија и од Турција, како и од повеќе градови од Македонија, Бегниште, Кавадарци, Куманово, Куратица, Ратево, Мокриево и Струмица.
Програмата започнува утре, со изложба на маски кои ги имаат изработено прилепските ученици. Карневалот ќе биде најавен во сабота, со настапот на акробати, жонглери, пантомимичари, а главниот настан ќе се случи в недела во 13 часот во центарот на Прилеп.