Македонската економија тоне. Споредбено со лани директните странски инвестиции бележат пад од 164 проценти, односно 187 милиони евра помалку. Странските директни инвестиции во третиот квартал од 2019 година изнесуваат очајни 62 милиони евра, реагираат од ВМРО-ДПМНЕ.
-Приватниот сектор е пред колапс, криминалната банда на власт која најави економска година гоекономијаа државата, не го интересира економијата, не го интересира обичниот граѓанин кој едвај го минува месецот. Аболицираниот криминалец го интересира само како да го задржи пратеничкиот имунитет за да не одговара за сите злодела врз македонската држава и народ, велат од партијата.
Од ВМРО-ДПМНЕ велат дека политичката кариера на Заев е завршена.
-Соочен со сигурен пораз на 12 aприл, аболицираниот Заев бега од предлогот на претседателот на ВМРО-ДПМНЕ, Христијан Мицкоски, лидерите кои имаат намера да ја водат владата да имаат статус на кандидат – мандатар, при што тој што ќе изгуби ќе си замине од политиката и нема да се крие зад пратеничкиот имунитет. Неговата политичка кариера е завршена, а правдата ќе чукне и на неговата врата. Новата Влада предводена од ВМРО-ДПМНЕ ќе стави крај на неодговорноста и неказнивоста на криминалната банда на чело со Заев. Граѓаните на 12 април ќе изберат да живеат во просперитетна и стабилна држава, а не во понижена и економски девасирана Македонија. На 12 април граѓаните ќе изберат обнова на Република Македонија, порачуваат од ВМРО-ДПМНЕ
