Во текот на ноќта 19/20.10.2022 на територијата на Република Македонија, полициски службеници лишиле од слобода двајца странски државјани и пронашле девет лица мигранти од Сирија и Авганистан.
На 19.10.2022 во 19.20 часoт на регионален пат Дојран-Валандово, делница крстосница с.Фурка кон с.Дедели, полициски службеници од Полициската станица за граничен надзор и гранични проверки Стар Дојран и од Полициската станица Валандово, заедно со припадници на Армијата на РСМ, го лишиле од слобода И.Ш.(22) од Косово. При преглед во неговото возило „цитроен“, со косовски национални ознаки, биле пронајдени шест лица мигранти од Сирија.
На 20.10.2022 во 01.30 часот на автопат Гевгелија – Скопје, на клучка Миравци, полициски службеници од Полициската станица за граничен премин и граничен надзор Богородица го лишиле од слобода А.А.(25) од Република Турција. При преглед во возилото „рено клио“ со српски национални ознаки, сопственост на рент-а-кар компанија, кое го управувал, биле пронајдени три лица мигранти од Авганистан.
Мигрантите биле спроведени во прифатно-транзитен центар за понатамошна постапка, а лицата криумчари биле задржани во полициска станица. По целосно документирање на случаите, во координација со Јавен обвинител, против нив ќе бидат поднесени соодветни пријави.
