Проблеми во ФИФА: Над 12 европски федерации сакаат да ја напуштат асоцијацијата

45

Повеќе од 12 национални фудбалски асоцијации ја известија УЕФА за нивните планови да се повлечат од ФИФА која сака Светското првенство на секои две години, објави „Асошиетед прес“.

Според изворот, евентуалното повлекување од Светската фудбалска асоцијација (ФИФА), нема да влијае на учеството на клубовите и репрезентациите на турнирите под покровителство на европската федерација.

Претходно, ФИФА ги извести националните федерации за плановите за одржување на Светското првенство на секои две години, почнувајќи од 2026 година.

Од 1930 година, Мундијалите се одржуваат на секои четири години, со исклучок на 1942 и 1946 година поради Втората светска војна.

Претстојните турнири ќе се одржат во Катар (2022 година), како и во Канада, Мексико и САД (2026 година).

Доколку преземете содржина од оваа страница, во целост сте се согласиле со нејзините Услови за користење.