Продолжува потрагата по исчезнатиот македонски државјанин, неговата мајка пристигна во Грција, информира МНР

Министерството за надворешни работи информира дека и во текот на денешниот ден продолжија активностите на грчките служби за потрагата по исчезнатиот македонски државјанин во Грција. Во потрагата се вклучени грчката крајбрежна стража и бројни локални волонтери.

„Во текот на вечерните часови, во Грција пристигна и мајката на исчезнатиот граѓанин М.Ј., пречекана од Генералниот конзул во Солун, кој продолжува одблиску да комуницира со грчките надлежни авторитети и е на располагање за секаква потребна асистенција.

Последните информации од службите се дека потрагата ќе продолжи утре наутро, штом условите ќе го дозволат тоа“, соопштија од МНР.

Доколку преземете содржина од оваа страница, во целост сте се согласиле со нејзините Услови за користење.