Променливо облачно со локални врнежи од дожд

Времето во Македонија ќе биде променливо облачно со сончеви периоди и со повремени локални врнежи од дожд кои наместа ќе бидат проследени со ретки грмежи. Врнежите повеќе ќе бидат застапени во источните и југоисточните делови на земјава, каде се очекува да наврнат околу 10-ина литри на метар квадратен воден талог. Ќе дува слаб до умерен ветер од северозападен правец.

Утринската температура ќе се движи од девет до 19 степени,  а дневната од 22 до 29 степени.

Во Скопје ќе преовладува променливо облачно време со сончеви периоди и со слаб до умерен северозападен ветер. Утринската температура ќе се спушти до 15, а дневната ќе се искачи до 28 степени.

УВ-индексот ќе има вредност 6.

Од четврток следува период на стабилно, суво и потопло време со слаб до умерен северен ветер.

Доколку преземете содржина од оваа страница, во целост сте се согласиле со нејзините Услови за користење.