Пронајдено е безживотното тело на момчето кое завчера се удави во реката Вардар кај неготинско Пепелиште, за МИА потврди Билјана Филипова, директор на Здравствен дом Неготино.
„Утрово екипата на Брза помош констатира смрт кај момчето. Без знаци за други надворешни повреди“, рече Филипова.
Телото било пронајдено во близина на местото каде што се случило и давењето.
Како што извести полицијата претходно, во неделата околу 16 часот во Полициската станица Неготино, 39-годишниот З. Ј. пријавил дека неколку малолетници влегле во реката Вардар, при што, еден од нив, малолетник од село Пепелиште, неготинско, не бил виден да излезе од водата.
