Полицијата во Лесото ја обвини во вторникот сопругата на премиерот Маесаја Забане Табане за убиство на првата жена на шефот на владата во 2017 година, објави јужноафриканската јавна телевизија.
„Таа и уште осум лица се обвинети за убиство“, изјавил за телевизијата висок полициски функционер.
Додал дека постојат „цврсти докази“ за вмешаноста на 42-годишната Маесаја Забане во убиството на првата сопруга на 80-годишниот Томас Табане.
Педесет и осумгодишната Липолело Табане е убиена со истрел во главата во јуни 2017 година во главниот град Масеру, два дена пред инаугурацијата на нејзиниот сопруг на чело на оваа мала држава којашто е опкружена со Јужноафриканската Република.
Двојката тогаш била во постапка на развод, а два месеца по убиството Табане и Забане се венчаа.
Во вторникот попладне Маесаја Табане се вратила во Лесото, откако претходно во јануари побегна од земјата, и се криела во Јужна Африка, соопшти полицијата. Според заменикот началник на полцијата, Мокете Пасека госпоѓа Табане ќе биде ставена во притвор и ќе биде изведенапред суд, откако јавните обвинители ќе ги подготват обвиненијата против неа.
Полицијата на 22-ри јануари во врска со убиството ги сослуша премиерот, кој под притисокот на опозицијата и сопствената партија најави оставка.
Лесото има долга историја на политичката нестабилнсота и воени удари во периодот од 1986 до 1991 година. Во една од најсиромашните земји на светот владее висока стапка на невработеност, а епидемијата на СИДА зафаќа 23 отсто од две милиона жители.
