Како што пренесуваат локалните власти, во Битола ноќта кон понеделникот точно на полноќ се родиле две машки близначиња, и тие се првите бебиња родени во новата година, а Клиничкиот центар Битола соопшти дека до утрото по нив на свет биле донесени уште десет новороденчиња.
Четири бебиња се родиле на првиот ден од новата 2018 година во Куманово, а првото е машко, родено 45 минути по полноќ на Одделението за гинекологија и акушерство во кумановската Општа Болница. Првото бебе ќе го носи името Ерион, а на раѓањето било тешко 3,4 килограми, долго 51 сантиметар. Во новогодишната ноќ се родиле две момчиња и две девојчиња.
Првото бебе родено во новата 2018 година во општина Струга е машко, информираат од Гинеколошкото одделение при струшката Општа болница. Бебето кое се родило триесет минути по полноќ е од Струга и тежи 3.230 кг. По него на свет се донесени уште четири бебиња.
Првото бебе родено во Гостивар во 2018 година е девојче, родено во 5.50 часот во Гинеколошко-акушерското одделение на гостиварската болница, тешко е 3,75 килограми и долго 54 сантиметри.