Првпат по една деценија намалено богатството на најбогатите луѓе на планетата

10

Најбогатите луѓе на светот „осиромашија“ минатата година поради геополитичките превирања и нестабилни пазари за првпат во изминатите десет години, според истражувањето на швајцарската банка UBS и консултантската фирма PVC.

Богатството на милијардерите минатата година е намалено на глобално ниво за 388 милијарди долари на 8,53 билиони долари, се вели во извештајот објавен денеска.

Особено голем пад е забележан во Кина, втора земја според бројот на домашните милијардери зад САД, како и во поширокиот Азиско-пацифички регион.

Приватните банки, вклучително и UBS, која е една од водечките светски банки за управување со богатството, ги почувствуваа ефектите од американските и кинеските трговски тензии и глобалната политичка неизвесност со откажување од тргување и преземање на долг минатата година во корист на готовина.

„Богатството на милијардерите е намалено за првпат од 2008 година поради геополитиката“, рече началникот на канцеларијата на UBS за ултра богати клиенти, Јозеф Штадлер.

Нето вредноста на најбогатите Кинези е намалено за 12,8 проценти во доларски износ во услови на пад на цените на акциите и ослабување на домашната валута, покажа истражувањето.

„И покрај падот, Кина продолжува да ‘произведува’ еден нов милијардер на секои два или два и пол дена“, вели Штадлер.

Бројот на милијардери е намален во сите делови од светот освен во САД.

„Овој извештај ја илустрира отпорноста на американската економија, каде во крајот на 2018 година имало 749 милијардери“, изјави Џон Метјуз шеф на UBS за управување со приватни богатства на најбогати клиенти во САД.

Доколку преземете содржина од оваа страница, во целост сте се согласиле со нејзините Услови за користење.