ПСЖ го одигра првиот меч по четири месеци

21

Францускиот фудбалски првак Пари Сен Жермен го одигра во неделата вечерта првиот подготвителен натпревар откако на 8-ми март беше запрено француското првенство кое не продолжи, а на овј дуел можеа да присуствуваат и гледачи.

На стадионот „Осеан“ во летувалиштето Ле Авр во присуство на 5.000 гледачи, ПСЖ славеше дури со 9:0 над домаќинот второлигашто Ле Аврс, со два гола на Мауро Икарди, Нејмар и Пабло Сарабија, и по еден на Килиан Мбапе, Идриз Гуеј и Арно Муињ.

Француската министерка за спорт Роксан Марасинеану го поддржа враќањето на навивачите на стадионите.

„Ова е голема победа за францускиот фудбал и спортот во земјата“, изјави минисерката за спортскиот весник L’Equipe, пред и самата да си го заземе местото на трибините.

ПСЖ стана првак со одлука на фудбалската федерација, а на почетокот од август во Португалија ќе се сретне со италијанска Аталанта во четвртфиналето на Лигата на шампионите.

Доколку преземете содржина од оваа страница, во целост сте се согласиле со нејзините Услови за користење.