Фудбалерите на актуелниот првак Пари Сен Жермен се освојувачи на францускиот Суперкуп откако во неделата вечерта во Тел Авив со 4:0 ги совладаа Нант, последен победник на националниот куп.
Париските „Светци“ рутински стасаа до победата. По првиот дел водеа со 2:0 со головите на Лионел Меси во 22 и Најмар од слободен удар на крајот од полувремето. Серхио Рамос зголеми на 3:0 во 57 минута, а конечниот резултат го постави во 82 минута Нејмар од пенал. Нант од 81 минута играа без исклучениот Жан-Шарл Кастаје.
За ПСЖ ова е 11-от трофеј во Суперкупот, од кои девет во последните десет години. Воедно ова е и првиот трофеј под водството на новиот стратег Кростоф Галтиери кој го наследи на клупата Маурисио Почетино.
Доколку преземете содржина од оваа страница, во целост сте се согласиле со нејзините Услови за користење.