ПСЖ сигурен, Рен ги реди победите

Актуелниот фудбалски француски шампион Пари Сен Жермен во средбата од третото коло од новата сезона ја оствари втората победа, совладувајќи го на својот „Парк на принцовите“ Тулуз со убедливи 4:0.

Париските „Светци“ победата ја остварија во вториот дел, кога беа постигнати сите четири погодоци. Двоен стрелец беше Ерик Максим Шупо-Мотињ, во 50 и 75 минута, автогол во 55 минута постигна Матје Гонславез а во 83 минута стрелец беше и Марквињос.

Но ПСЖ во оваа лесна победа остана без двете ѕвезди, Единсон Кавани беше изнесен од теренот во 14 минута и токму на негово место влезе двојниот стрелец, а Килиан М’Бапе беше принуден да побара замена во вториот дел.

ПСЖ сега е трет со шест бодови, колку што има и вториот Лион, четвртата Нива и петтиот Анжер, додека Тулуз е 12-ти со четири бодови.

На врвот на табелата е Рен кој и натаму има стопроцентен ефект откако со 2:0 победи на гостувањето кај Стразбур, кој сега е 15-ти со два бода. Стрелци на головите беа Клемент Грение во 16 и М’Баје Нианг во 54 минута, а домаќините од 83 минута играа без „поцвренетиот“ Абдула Н’Дур.

Претходно во неделата Монако и во третиот првенствен натпревар остана со играч помалки, а тоа скапо го чинеше бидејќи го испушти водството од 2:0 на домашен терен против Нимс. Монако до предноста стаса со головите на Ислам Слимани во 39 и Бен Једер во првата минута од судиското продолжение. Меѓутоа, во 55 минута црвен картон му беше полажан на бразилскиот стопер Жемерсон, по што Нимс успеа да ја искористи предноста и головите на Ромен Филипотез во 70 Ауеке Денкеј во 82 минута да дојде до израмнување.

Монако со првиот освоен бод и натаму е на претпоследното 19-то место, а Нимс, за кого ова беше исто така првиот бод во новата сезона, е место погоре на табелата.

Во саботата беа постигнати следните резултати: Брест – Ремс 1:0, Анжер – Мец 3:0, Амјен – Нант 1:2, Дижон – Бордо 0:2. Колото продолжува во понеделник со дуелот Монпелје – Лион, а во среда го заокружуваат мечевите Марсеј – Сен Етјебн и Лил – Сен Етјен и Ница – Марсеј.

Доколку преземете содржина од оваа страница, во целост сте се согласиле со нејзините Услови за користење.