Почнува со работа новиот објект на Фармакан, компанија за производство на канабис за медицински цели. Се работи за најголем капацитет од овој вид, сместен во зоната во Ќојлија во Општина Петровец. Во новиот објект досега се вложени 20 милиони евра. Компанијата ги доби највисоките стандарди, а производите веќе се присутни на светскиот пазар.
“Измените во законот за опојни дроги се во собраниска процедура и преку нив дополнително ќе ги стумулираме и инвеститорите и младите луѓе да останат тука и да најдат работа во овој сектор”, рече министерот за здравство, Венко Филипче.
Премиерот Заев испрати порака до инвеститорите да го следат примерот и да вложуваат во нови производи со поголема додадена вредност.
Побара Собранието да ги усвои измените на законот што ќе обезбеди извоз од 250 милиони евра годишно и ќе отвори нови високоплатени работи места.
“Секоја криза е можност за нов почеток, а државата ќе ги поттикнува инветситорите во тој правец”, рече премиерот Заев на отворањето на новата фабрика.
