Путин: Европските земји не треба да се плашат од Русија

118

Европските земји не треба да се плашат од Русија, изјави рускиот претседател Владимир Путин во интервју за италијанскиот весник „Кориере дела Сера“, пренесува МИА.

– Идејата дека еден ден Русија би можела да го нападне НАТО е бесмислена и нема никакав основа, вели Путин во интервјуто.

Тој натаму нагласува дека „можеби некој“ има интерес да ги поттикнува ваквите стравувања меѓу европските граѓани.

– Можеби САД сакаат да спречат приближување меѓу Европа и Русија. Сакам да ви кажам дека не треба да се плашите од Русија, нагласува Путин.

Рускиот претседател потенцира дека Русија ги затворила сите свои бази во странство, со исклучок на оние во Таџикистан и Киргистан, кои според него, се важни на антитерористички план, како и во Ерменија, каде руското воено присуство, како што вели, има стабилизирачка улога и не е насочено против никого.

– Од друга страна НАТО се доближува до нашата граница, додава Путин, посочувајќи ги како пример американските подморници во Норвешка, од кои „може да биде истрелана ракета која за само 17 минути може да стигне до Москва“.

– Дали можеби сакате да кажате дека ние сме тиа што се однесуваат агресивно? Ние не се движиме кон никаде, туку инфрастурктурата на НАТО се доближува до нашите граници, нагласува Путин.

Тој натаму во интервјуто посочува дека влошувањето на односите меѓу Русија и САД почнало уште многу пред кризата во Украина, кога „во далечната 2001 година“ тогашниот американски претседател Џорџ Буш донесе одлука за „обнова на проектот за противракетен штит во Европа“.

Друга причина за влошување на руско-американските односи, според Путин, е и одлуката на Буш за еднострано повелкување на САД од договорот за противракетна одбрана.

– Москва само одговара на заканите. Тоа го правиме на начин за да ја гарантираме безбедноста на Русија, Никој нека не мисли дека Русија еднострано ќе се разоружа, истакнува Пуитн во интревјуто за „Кориере дела Сера“.

Доколку преземете содржина од оваа страница, во целост сте се согласиле со нејзините Услови за користење.