ВИДЕО и ФОТО| Путин допатува во Севастпол на Крим ден по налогот за негово апсење

Во саботата на одбележувањето на деветгодишнината од присоединувањето на црноморскиот полуостров Крим со Русија што за Киев и Западот претставува нелегално руско анектирање на украинска територија, рускиот претседател Владимир Путин ненајавен пристигна во градот Севастопол самиот возејќи автомобил, пренесуваат руските медиуми.

„Нашиот претседател… знае да изненади. Во добра смисла… Денеска требаше да отвориме детско уметничко училиште во Херосенс…. сѐ беше подготвено за видео конференција. А, Владимир Владимирович дојде лично. Возејќи…“, објави Развозаев на Telegram.

Медиумите се повикуваат на објавата на гувернерот на Севестапол, историското седиште на руската Црноморска флота, Михаил Развозаев, кој притоа на Путин му го презентирал првиот дел од големиот проект на историско-археолошкиот парк „Херсонско-Тавриски“.

Севастопол, инаку, ужива управна посебност и не претставува дел од т.н. Република Крим.

„Денеска на Денот на обединувањето на Крим со Русија, Владимир Путин го посети регионот. Го посети историско-археолошкиот парк Хероснско-Тавриски каде што ги разгледа новите објекти од комплексот“, објави портпаролот на Кремљ, Дмитриј Песков, додавајќи дека неговиот шеф посетил и уметничко училиште и разговарал со верските високодостојници.

На територија од 24 хектари ќе има музеј на антиката и Византија, меѓународен археолошки центар, амфитеатар, четвртина – реконструкција на античкиот град, вклучувајќи камерен музеј и археолошки изложби, продавници за сувенири, кафуле, музеј на Крим, археолошки пејзажен парк, туристички центар, музеј на христијанството, хуманитарен центар „Корсун“, паркинг за 1.380 автомобили и други содржини.

Засега нема ниедна изјава на Путин од Крим во врска со вчерашното објавување на наводен акт за негово апсење од страна на Меѓународниот кривичен суд во Хаг, чијашто јурисдикција ја немаат прифатено ниту Русија, но ниту и Украина, повеќе од една деценија откако тоа го сторија САД.

https://twitter.com/aleksejtank1820/status/1637084757098995714?ref_src=twsrc%5Etfw%7Ctwcamp%5Etweetembed%7Ctwterm%5E1637084757098995714%7Ctwgr%5E43ca12d8de11504085bf86c8924e4b155c0c6b1f%7Ctwcon%5Es1_&ref_url=https%3A%2F%2Fplusinfo.mk%2Fputin-prkosi-na-nalogot-za-negovo-apse-e-se-po-avi-na-krim-na-devetgodishninata-od-aneksi-ata-na-ostrovot-foto-video%2F

Доколку преземете содржина од оваа страница, во целост сте се согласиле со нејзините Услови за користење.