Рации во Германија поради закани за џамии, партии, бегалски центри и медиуми

Во Германија во тек се рации поради електронски пораки испратени од екстремно десничарски групи до џамии, политички партии, медиуми, центри за прием на мигранти, во кои се упатени закани со напади.

Рациите се спроведуваат во Баварија и три други германски држави, потврди полицијата, без да даде детали за акцијата.

Рациите се иницирани поради 23 мејлови испратени во рок од две недели во јули, во кои меѓу другото има закани и за бомбашки напади.  Заканувачките електронски пораки се потпишани од групите „Народен фронт“, „Борба 18“ или „Крв и чест“.

Доколку преземете содржина од оваа страница, во целост сте се согласиле со нејзините Услови за користење.