Радев и Макрон во Стразбур разговараат за европската интеграција на Македонија

Бугарскиот претседател Румен Радев разговара во Стразбур со францускиот претседател Емануел Макрон, соопшти прес-службата на претседателот на Бугарија.

Како што јави дописникот на МИА од Софија, тие разговарале за прашањата поврзани меѓу Бугарија и Франција, за влезот на Бугарија во Шенген, како и за европската перспектива на Република Македонија.

Румен Радев на средбата истакнал дека Бугарија ги исполнила техничките критериуми за членство во Шенген уште во 2011 година и дека очекува тоа да биде признато од нејзините европски партнери.

Претседателот на Франција Емануел Макрон изразил принципиелна поддршка за позицијата на Бугарија.

Радев посочил дека Бугарија очекува конкретни резултати во дијалогот со Република Македонија, што ќе гарантираат европски вредности во почитувањето на човековите права и прекин на говорот на омраза.

(МИА)

Доколку преземете содржина од оваа страница, во целост сте се согласиле со нејзините Услови за користење.