Срдечни честитки до премиерот Зоран Заев и до сите оние кои се бореа за овој историски ден, напиша на Твитер албанскиот премиер Еди Рама, по изгласувањето на одлуката од страна на македонскиот законодавен дом за пристапување кон измени на Уставот заради имплементација на Договорот од Преспа.
Среќен роденден Република Северна Македонија. Искрени честитки за премиерот Зоран Заев и за сите оние кои се бореа за овој историски момент. Денеска се отвори нова врата за иднината за нашите два народа во Република Северна Македонија. Почит., напиша Рама на Твитер на англиски и албански јазик.
Инаку, албанските медиуми,без исклучок,отстапија широк простор за случувањата во македонскиот Парламент а експресно ја пренесоа и веста за изгласувањето на одлуката, оценувајќи го тоа како историски момент.
Медиумите пренесоа и делови од изјавите на премиерот Заев и лидерот на опозициската ВМРО ДПМНЕ, Мицковски,со посебен акцент дека пратениците кои гласале за одлуката се веднаш исклучени од партијата. Место беше отстапено и за реакциите на еврокомесарот Хан и генералниот секретар на НАТО, Столтенберг,како и за честитката на грчкиот премиер Ципрас до премиерот Заев.
HAPPY BIRTHDAY TO THE REPUBLIC OF NORTH MACEDONIA😊 Heartfelt congratulations to @Zoran_Zaev and to everyone who fought for this historical moment👍 Një derë e re e të ardhmes u hap sot për dy popujt tanë në Republikën e Maqedonisë së Veriut🇲🇰🇦🇱 #Respect🙏
— Edi Rama (@ediramaal) October 19, 2018
Доколку преземете содржина од оваа страница, во целост сте се согласиле со нејзините Услови за користење.