среда, декември 11, 2024

Ранет функционер на ДУИ во пукање во скопски Чаир

четврток, 20 декември 2018, 19:56

Економскиот директор на Клиниката за гинекологија, Ваљон Беља застрелан во ногата во пукање доцна попладнето во четвртокот во скопската населба Чаир.

Според првичните информации на полицијата вооружениот напад се случил околу 17,45 часот на улицата „Лазо Трповски“ при што било пукано во 40-годипниот В.Б. од Скопје во пределот на десната потколеница. Неофицијално, во него пукало лице кое било заедно со Е.Х., Е.А. и Р.Н. Повредениот В.Б е пренесен во ГОБ Св.Наум Охридски, се наведува во соопштението на министерствот за внатрешни работи.

Од МВР велат дека работат на расчистување на случајот, но повеќе детали ќе бидат познати по завршувањето на увидот.

Повеќе медиуми објавија дека повредениот е Ваљон Беља од ДУИ кој пред неколку месеци беше поставен за нов економски директор на Клиниката за гинекологија. На пошироката јавност и’ стана познат откако во 2016 година се појавија информации дека му се заканувал на поранешниот градоначалник на Чаир, Изет Меџити, и му испратил куршум во салфета како закана за неговото барање да биде поставен за директор на пензискиот фонд.

ПОВРЗАНИ НАПИСИПОВЕЌЕ ОД АВТОРОТ

Беља по вторпат ја пријавил директорката на Гинекологија

Три лица приведени, а еден во бегство, за пукањето во Чаир

ДУИ – симбол за крвави улични пресметки

ПОВРЗАНИ НАПИСИ ПОВЕЌЕ ОД АВТОРОТ