Раст на домашната економија од 3,5 проценти годинава и 3,8 отсто в година, прогнозира Народната банка. Најновите проекции на прес конференција ги соопшти пред малку гувернерката Анита Ангеловска Бежовска.
Соопшти дека нема некои позначајни отстапки во однос на прогнозите од април. Надолни очекувања има за надворешната трговија поради негативните економски поместувања кај најзначајните трговски партнери на земјава. Сепак очекувањата се дека ќе продолжат поволните движења кај компаниите кои се носители на извозот. Се очекува сепак нагорно придвижување на домашната побарувачка.
