Рецепт: Ролат од малини

172

Подгответе вкусен, освежителен десерт со малини. Освен со малини овој ролат можете да го подготвите и со јагоди или со некое друго шумско овошје…

Состојки:

  • 4 јајца
  • 200 грама шеќер
  • 70 грама брашно
  • 40 грама густин
  • 3 кесички желатин
  • 300 грама смрзнати малини
  • 300 грама сирење
  • 200 мл слатка павлака
  • Лажица сок од лимон

Подготовка:

  1. Загрејте ја рерн ата на 200 степени Целзиусови. Разделете ги жолчките од белките. Изматете ги жолчките со 4 лажици врела вода и 70 грама шеќер. Изматете ги белките и 30 грама шеќер, па измешајте ги со жолчките. Додадете брашно и густин. Разлејте го на плех со хартија за печење и печете 15 минути.
  2. Ставете го пандишпанот на чиста крпа и росејте со шеќер, па одлепете ја хартијата. Завиткајте го во ролат.
  3. Подгответе го желатинот. Малините испасирајте ги. Измешајте го сирењето, половина пире од малини и 100 грама шеќер. Изматете ја павлаката.
  4. Загрејте го сокот од лимон, растопете 2 кесички желатин и во тоа измешајте во крем сирењето, заедно со павлаката.
  5. Премачкајте ја кората со кремот и повторно завиткајте ја во ролат. Премачкајте го ролатот со остатокот од пирето измешано со желатинот подготвен според упатството на кесичката.

Доколку преземете содржина од оваа страница, во целост сте се согласиле со нејзините Услови за користење.