Речиси цело семејство Заеви, министри, градоначалници и функционери на СДСМ добија кривични од Боки 13

10

Со порака дека единствен начин да го спречат е да го убијат, поранепшниот директор на веќе згаснатата телевизија 1ТВ, Бојан Јовановски попознат како Боки 13, осуден во корупцискиот случај „Рекет“ од затворот во Шуто Оризари потврди дека кривичните пријави ги поднесува против политичари од власта.

Во писмо до јавноста коешто го прочита неговиот адвокат Сашко Дукоски, Јовановски наведува дека пријавите се однесуваат на носители на јавни функции, кои се дел од актуелната власт, луѓе од нивните семејства и блиски до нив, како и бизнисмени.

Се пожали и дека тој и неговото семејство цело време добиваат уцени и закани, од оние кои според неговите зборови знаеле дека ќе заработат кривични пријави.

-Одговорно ви тврдам дека нема да ме спречат во што и да сакаат да применат и било кои методи на уцени и на закани. Единствено ќе ме спречат доколку ме лишат од живот, односно доколку посегнат по мојот живот. Но, повторувам нема да ме спречат во мојата чесна граѓанска обврска и должност, ниту пак ќе ме спречат, ниту пак ќе ме спречат во мојата намера во борбата со вистинските криминалци и сторители на кривични дела, изјави Дукоски.

На социјалните мрежи се објавуваат документи на кои се напишани имињата на лицата за кои се тврди дека Боки 13 поднел кривични пријави. Исто така е наведено кои лица треба да бидат повикани на сослушување:

Доколку преземете содржина од оваа страница, во целост сте се согласиле со нејзините Услови за користење.