Роџерс возбуден поради дуелот против Ван Гал

Менаџерот на Ливерпул, Брендон Роџерс изјави дека со нетрпение ги очекува дуелите против Луи ван Гал, кој пред неколку дена и официјално беше именуван за нов менаџер на најголемиот ривал во англиската Премиер лига, тимот на Манчестер Јунајтед.

„Како прво, многу ми е жал поради отказот кој го доби Дејвид Мојес. Многу ми е жал, убеден сум дека Мојес не доби шанса на „Олд Трафорд”. Ова е нормален потег на клупските челници кои се одлучија за поискусен, потрофеен менаџер. Ван Гал е идеално решение за таа позиција. Неговата работа, неговите успеси се следени и анализирани веќе неколку години.  Ван Гал има точна визија, знае што сака, знае како треба да игра неговиот тим. Работи и со помладите фудбалери. Неговиот профил совршено ќе се вклопи во клупската историја на Манчестер Јунајтед. Јас сум мал менаџер и но нетрпение ги очекувам дуелите против Ван Гал. За противник ќе имам менаџер од светска класа”, изјави Роџерс.

Доколку преземете содржина од оваа страница, во целост сте се согласиле со нејзините Услови за користење.