Роналдо донираше медицинска опрема за болници во Португалија

66

Фудбалската суперѕвезда, португалскиот напаѓачот Кристијано Роналдо заедно со својот менаџер Хорхе Мендез донираше големо количество медицинска опрема за болниците во Лисабон и Порто за борба против коронавирусот.

И Роналдо и Мендез во лисабонската болница „Санта Клара“ донираа по десет болнички кревети опремени со респиратори, ЕКГ монитори, инфузиски пумпи и инјекции, додека болницата „Санта Антонио“ во Порто доби донација од 15 кревети за интензивна нега, респиратори, ЕКГ монитори и друга опрема.

Медиумите во Португалија претходно објавија дека вкупниот износ на донацијата изнесува милион евра во медицинска опрема.

Досега во Португалија се потведени 2.362 случаи на зараза со коронавирусот, а 33 лица починале.

Португалскиот премиер Антонио Кошта изјави дека јавните биолници имаа 1.142 респиратори, додека приватните клиники имаат уште 250.

Доколку преземете содржина од оваа страница, во целост сте се согласиле со нејзините Услови за користење.