Русија ја обвини УЕФА за „двојни аршини“, мешање на политиката во фудбалот

Членот на Државната дума, Дмитриј Свишчев ја коментираше одлуката на УЕФА за одобрување на дресовите на украинската репрезентација за Европското првенство.

-Ова е политика на двојни аршини. Она што се случува сега со обликот на Украина е неприфатливо. Украина изразува политички став кој е некомпатибилен со Руската Федерација. Штом УЕФА донесе ваква одлука, тоа значи движење по опасна патека која не може да ве одведе никаде. Разочаран сум од ова решение. УЕФА прави сериозна грешка изјави Свишчев.

Русите обвинуваат дека од една страна Европската фудбалска асоцијација декларативно е против мешање на политиката во спортот, а во случајот со украинските дресови, дозволува такво нешто.

На 6 јуни, репрезентацијата на Украина претстави нова гарнитура опрема за ЕП 2020 година. Дресовите ја отсликуваат силуетата на државата, во која се наоѓа и полуостровот Крим, кој од 2014 година е дел од Русија, како и Доњецката и Луганската народна република.

Украина на Евро 2020 ќе игра во Ц-групата заедно со Македонија, Австрија и Холандија.

Доколку преземете содржина од оваа страница, во целост сте се согласиле со нејзините Услови за користење.