Руска ракета се расипа по полетувањето, космонаутите се спасени

Американскиот астронаут Ник Хејг и рускиот космонаут Алексеј Овчињин денес успешно слетаа во Казахстан откако нивната ракета Сојуз имаше дефект набрзо по лансирањето.

Руската вселенска ракета Сојуз откажа по полетувањето од космодромот Бајконур и двајцата астронаути со капсула со падобран се спуштија некаде во регионот на Казахстан, јавија руските медиуми.

Сојуз требаше да ги превезе американскиот астронаут и рускиот космонаут до Меѓународната вселенска станица, но според првичните информации имало дефект на моторите на ракетата.

Според руската државна агенција ТАСС екипажот на Сојуз е безбеден, со нив е воспоставен контакт и спасувачките екипи се во потрага по местото на приземјувањето на капсулата.

Според НАСА капсулата се вратила на Земјата со „балистичка траекторија“, осносно со слободен пад.

Доколку преземете содржина од оваа страница, во целост сте се согласиле со нејзините Услови за користење.