Рускиот претседател Владимир Путин им наредил на воените авиони да вршат редовни патроли на неутралниот воздушен простор над Црното Море.
„Нашите авиони МиГ-31 се вооружени со ракетни системи Кинжал. Познато е дека тие имаат домет од над 1.000 километри и брзина Мах-9“, рече тој на прес-конференција во Пекинг.
Најавата не беше наменета како закана, нагласи Путин, туку како реакција на ескалацијата на нестабилноста, особено на Блискиот Исток. Тој како фактор го спомена распоредувањето на двa носачи на авиони од страна на САД во Средоземното Море за поддршка на Израел.
Путин ја опиша како „смешка“ идејата дека Русија „веќе изгубила“ во Украина. Американскиот претседател Џо Бајден тоа го искажа во неколку наврати за време на конфликтот во смисла дека Москва наводно сакала да ја освои целата земја и не успеала да го стори тоа. Руската влада негираше дека некогаш имала такви аспирации.
„Ако Русија ја загуби војната, зошто да го снабдува ATACMS? Нека го земе назад ATACMS и остатокот од оружјето, нека земе палачинки и нека дојде кај нас на чај“, рече Путин.
