Американскиот државен секретар Мајк Помпео и српскиот претседател Александар Вучиќ синоќа се сретнаа во Вашингтон и на средбата била потврдена американската поддршка за Србија, посебно поддршката за нејзино членство во ЕУ, соопштија денеска од Стејт департментот.
Во соопштението се наведува дека Помпео ја истакнал важноста на прашањето Белград да се врати на преговарачка маса со Косово за нормализација на меѓусебните односи.
На средбата, тој го повикал српскиот лидер да го искористи моментот по последните писма на намери и да спроведе воздушна, железничка и автопатна врска меѓу Приштина и Белград.
Помпео и Вучиќ разговарале и за тековниот развој на Србија како модерна, демократска и просперитетна европска земја која егзистира во мир со своите соседи.
