САД и Австралија ги евакуираат амбасадите во Багдад

Амбасадите на неколку држави во Багдад, меѓу кои и на САД и Австралија, се евакуирани денеска заради напредувањето на екстремистите од организацијата „Исламска држава на Ирак и Левент“.

И покрај уверувањата на ирачките власти дека планираат контра-офанзива за пресметка со терористите, сепак западните земји го повлекуваат персоналот од амбасадите. САД има намера својот персонал да го префрли во Јордан.

Екстремистите денеска го зазедоа и северниот град Тал Афар, што претставува последен удар за шиитската Влада во Багдад. Притоа, биле ликвидирани заробените припадници на ирачките безбедносни сили.

Доколку преземете содржина од оваа страница, во целост сте се согласиле со нејзините Услови за користење.