САД и Франција даваат засилена поддршка за пристапување на Македонија и Албанија во ЕУ

43

Државниот секретар на САД, Ентони Блинкен, и министерот за надворешни работи на Франција, Жан-Ив Ле Дриан, во разговор во средата укажаа дека даваат засилена поддршка за пристапување на Македонија и Албанија во Европската унија, соопштија од Стејт департментот.

Во разговорот, како што изјави портпаролот на Стејт департментот, Нед Прајс, Блинкен, исто така, испратил честитки до народот на Франција за успешните претседателски избори на 24-ти април истакнувајќи дека очекува постојана блиска соработка и силни врски со претседателот Емануел Макрон.

„Двајцата дискутираа и за обезбедување поголема безбедносна поддршка за армијата на Украина во нејзиниот отпор кон бруталната и непровоцирана инвазија на руската влада, како и дополнителни мерки за тоа претседателот Путин и неговиот режим да бидат повикани на одговороност“, дополни Прајс, јави дописникот на МИА.

Државниот секретар и министерот за надворешни работи, како што кажал Прајс, исто така разговараа и за засилена поддршка за пристапување на Македонија и Албанија во ЕУ.

Франција е претседавач со ЕУ, чиј мандат завршува во јуни.

Доколку преземете содржина од оваа страница, во целост сте се согласиле со нејзините Услови за користење.