САД обвинија Иранец за планирање убиство на советник на Трамп

This image released by the FBI, Aug. 10, 2022 in Washington, shows the wanted poster for Shahram Poursafi. The Justice Department says Poursafi, identified by U.S. officials as a member of Iran’s Revolutionary Guard, has been charged in a plot to murder former Trump administration national security adviser John Bolton. He's wanted by the FBI on charges related to the murder-for-hire plot, which the U.S. assumes was in retaliation for a U.S. airstrike that killed a popular and powerful general in Iran. (FBI via AP)

Во САД во средата е обвинет маж означен како припадник на иранската елитна Револуционерна гарда дека планирал убиство на Џон Болтон, советник за национална безбедност на поранешниот американски претседател Доналд Трамп.

Американското министерство за правосудство тврди дека 45-годишниот Шахрам Пурсафи, познат и како Мехди Резаји од Техеран, веројатно сакал да го убие Болтон од одмазда за убиството на Касим Сулејмани, командант на Револуционерната гарда во мај 2020 година во американски напад со дрон на меѓународниот аеродром крај ирачката престолнина Багдад.

Според кривичната пријава, Пурсафи побарал од ирански резидент во САД кој е идентификуван само како „лицето А“ да го фотографира Болтон, под изговор дека фотографиите се потребни за книга којашто е во подготовка.

Американскиот резидент го запознал Пурсафи со таен владин доушник кој можел да ги направи фотографиите за одредена цена. Следниот месец Пурсафи, според истражителите, го контактирал доушникот на апликација за размени на криптирани пораки и му понудил 250.000 долари да ангажира некого за да го „елиминира“ Болтон, а тој износ подоцна бил зголемен на 300.000 долари.

Болтон во средата на Twitter му се заблагодари на министерството за правосудство за ангажирањето.

„Иако сега јавно не може да се каже многу, едно е неоспорно. Иранските владејачи се лажговци, терористи и непријатели на Соединетите држави“, напиша Болтон.

Доколку преземете содржина од оваа страница, во целост сте се согласиле со нејзините Услови за користење.