Американската Влада изрази загриженост поради зголемените тензии на израелско-либанската граница, давајќи поддршка на Израел и предупредувајќи го либанскиот Хезболах, кој го поддржува Иран, да се воздржи од акции кои претставуваат закана по безбедноста на Либан.
По размената на оган меѓу Израел и Хезболах долж либанската граница, премиерот на Либан, Сад ел Харири разговараше со американскиот државен секретар Мајк Помпео и со советник на францускиот претседател Емануел Макрон, апелирајќи на меѓународната заедница да ја смири ситуацијата со Израел и Хезболах.
– САД целосно го поддржуваат правото на Израел на самоодбрана, истакна официјален претставник на Стејт департментот.
Тој нагласи дека Хезболах треба да се воздржи од „непријателските акции кои претставуваат закана за безбедноста, стабилноста и суверенитетот на Либан“, нагласувајќи дека Иран има удел во насилството.
Израелскиот премиер Бенјамин Нетанјаху изјави дека Израел е подготвен за секое сценарио по најновите судири на израелските сили со либански Хезболах.
