САД: Рекорден буџетски дефицит во април

САД соопштија за рекорден буџетски дефицит од 738 милијарди долари, во април годинава, предизвикан од огромни издвојувања на владата и драстично намалените приливи во државните каса за време на пандемијата на коронавирусот.

Министерството за финансии на САД соопшти дека буџетскиот дефицит во април е вистински ран показател за огромните издвојувања на владата, насочени кон ублажување на влијанието на пандемијата на коронавирусот врз американската економија.

Американскиот Конгрес досега одобри 3.000 милијарди американски долари пакет економска помош за американското стопанство, а некои од првите мерки требаше да бидат исплатени во април.
Државата приходувала 242 милијарди американски долари во април, што е намалување од 55 проценти во однос на истиот период минатата година.

Доколку преземете содржина од оваа страница, во целост сте се согласиле со нејзините Услови за користење.