Саем на книгата „Книга во секој дом“ од 20-ти до 31-ви јануари

1601

Од 20-ти јануари, традиционално, 14 години, Клубот „Матица“ го започнува Саемот на книгата „Книга во секој дом“.

Годинава со поднаслов „300.000 книги во Матица“, на читателската публика ќе и’ бидат понудени наслови од комплетната домашна и странска продукција. Во соработка со повеќето македонски издавачки куќи и реномирани светски и регионални издавачки компании како Харпер Колинс, Парагон, Трансворлд, Те Неус, Орион, Лагуна, Делфи, Вулкан и други, ќе бидат понудени најновите остварувања од домашната и светската прозаистика, архитектура и уметност, најбараните наслови и автори од областа на економијата, филозофијата,гастрономија, лексикографија, ениклопедии, книги за најмалите,креативни проекти итн.

Како што истакнуваат од „Матица“ основната девиза на организацијата на ваквите манифестации е дека „културата се наметнува, а традицијата се негува и одржува“. Врз основа на оваа девиза, 14 години Клубот „Матица“ ја создава и гради навиката и љубовта кон книгата, а големиот број на читатели и вљубеници во книгата, само ја потврдува исправноста на патот по кој „Матица“ чекори.

Годинава понудата е огромна и со сигурност можеме да кажеме дека има книги за сечиј вкус и книги за сечиј џеб. Како едно големо освежување се најавува и официјализирање на стратешкото партнерство со најголемиот балкански издавач „Лагуна“ од Белград, и отворање на Лагуна клубот во Скопје со нови 2000 наслови од најновата светската книжевност.

Статистиките сведочат за континуираниот пораст на бројот на читатели, а македонската продукција бележи огромен раст и прогрес во процентуалниот дел од продажбата на книги на македонски јазик, што директно посочува дека домашните библиотеки се се побогати со книги на македонски јазик.

Ако во 2000-та година, книгите на македонски јазик биле застапени со само седум отсто од вкупната продажба, во 2013 година македонската продукција е застапена со огромни 83 отсто. Бројот на читатели-членови во 2000 година бил 1700, за во 2013-та година да порасне на 31,329. За осум пати е зголемена квантитативната продажба на книги, за 50 пати е зголемена продажбата на книги на македонски јазик,  за 30 пати е зголемена читателската публика, а вкупно се продадени приближно 800.000 книги.

Ваквите податоци само ја потвтврдуваат исправноста на постоењето, организирањето и реализацијата на овој Саем на книгата и на овој начин директно се покажува фактот дека во Македонија има читателска публика која бара своја форма за анимација и се разбира, прилагодување на цените на пазарот. Ширењето на љубовта кон книгата и развојот на културата во нашата држава е од непроценливо значење за развојот на самото општество. Фактот што реномираната и најголемата светска агенција Крафорд ја издвои Македонија како лидер во регионот по број на читатели е само уште една потврда за развојот на културата во општеството.

Саемот на книгата „Книга во секој дом“ секоја година е подржан и паралелно се одржува во сите поголеми градови во Македонија како Охрид, Струмица, Прилеп, Кавадарци, Куманово, Гевгелија, Струга, Неготино, Гостивар…

Доколку преземете содржина од оваа страница, во целост сте се согласиле со нејзините Услови за користење.