Самсоненко: Бев сигурен дека ќе победиме, очекувам одбрана на титулата

125

Бев сигурен дека ќе победиме зашто играчите беа со солзи во очите уште пред пред натпреварот, изјави по слетувањето на скопскиот аеродром, сопственикот на новиот европски ракометен шампион Вардар, Сергеј Самсоненко.

Рече дека на ракометарите им рекол да ги слушаат навивачите, па затоа и по натпреварот тие заедно со нив на трибините ја прославија победата.

„Изненадени сме, многу добар пречек на сите и од тоа сите се среќни“, посочи Самсоненко, дополнувајќи дека му е мило што целата држава е среќна за овој успех, бидејќи како што рече, овој успех е на сите нас.

За следната сезона сопственикот на Вардар вели дека по подготовките коишто играчите ќе ги имаат во текот на летото, очекува следната сезона екипата да го повтори успехот и да ја одбрани европската шампионска титула.

Доколку преземете содржина од оваа страница, во целост сте се согласиле со нејзините Услови за користење.