Саркози ги негираше обвинувањата за незаконско финансирање на кампањата

Поранешниот француски претседател Никола Саркози во петокот пред апелациониот суд во Париз изјави дека се изјаснува за невин по обвиненијата против него, обидувајќи се да ја поништи пресудата од 2021 година за незаконско финансирање на кампањата.

Саркози доби една година затворска казна во септември 2021 година, но казната беше условна додека не заврши жалбената постапка.

„Категорично отфрлам каква било кривична одговорност. Негирам дека сум знаел за каква и да е измама. Вистината ми е важна. Досега не успеав да убедам. Ја сакам вистината“, изјави Саркози пред судот.

Поранешниот претседател од 2007 до 2021 година, ги негира наводите дека неговата конзервативна Републиканска партија, тогаш позната како UMP (Сојуз за народното движење), соработувала со фирмата за односи со јавноста „Bygmalion“ за да ја скрие вистинската цена на неговата изборна кампања. Саркози ја префрли вината на некои членови на неговата изборна кампања.

„Не избрав ниту еден добавувач, не потпишав ниту една понуда, ниту една фактура“, им рече Саркози на судиите во петокот, зборувајќи гласно и гестикулирајќи, пренесуваат .

Франција има строги правила за трошење на кампањата. Обвинителите тврдат дека компанијата наместо во кампањата испраќала фактури до UMP.
Тие тврдат дека Саркози за изборната кампања во 2012 година потрошил 42,8 милиони евра, речиси двојно повеќе од дозволеното.

Доколку преземете содржина од оваа страница, во целост сте се согласиле со нејзините Услови за користење.