Саудиска Арабија: Иран речиси сигурно стои зад нападот врз Сауди Арамко

Амбасадорот на Саудиска Арабија во Лондон изјави дека е речиси сигурно оти Иран стои зад нападот на нафтената рафинерија на Сауди Арамко.

– Речиси сигурно е дека нападот е извршен со поддршка на Иран, изјави принцот Калиф бин Бандер бин Султан Ал Сауд за Би-Би-Си.

Тој наведе дека Саудиска Арабија не сака да реагира избрзано затоа што нови конфликти се последно нешто што му треба на регионот.

– Истражуваме што се случило. Работиме со нашите партнери во САД, ОН, Велика Британија, како и со сите кои сакаат да помогнат да се открие што се случило, рече тој.

Нафтената рафинерија на Сауди Арамко беше нападната во саботата со дронови и крстосувачки ракети, со што беше намалено производството на нафта за 5,7 барели дневно, што е околу пет отсто од светското производство на нафта.

Одговорноста ја презедоа јеменските бунтовници Хути, кои ги поддржува Иран, но САД тврдат дека нападот бил извршен од Иран.

Доколку преземете содржина од оваа страница, во целост сте се согласиле со нејзините Услови за користење.