Oткако опозицијата им пиша на странските амбасадори во земјава во врска со незаконитостите во изборот на Цветанка Иванова и Васко Талевски за Уставни судии, власта добила реакции од ЕУ делегацијата во Скопје. Ова за Вечер.мк го велат дипломатски извори.
Изворите за Вечер.мк велат дека од СДСМ им потврдиле дека е можно да ја повлечат Цветанка Иванова како кандидат, но не и Васко Талевски.
Во писмата кои што опозицијата ги пратила до амбасадите на САД, Франција, ЕУ, Германија, ОБСЕ, Велика Британија и уште неколку адреси се потпишале 33 пратеници.
Во писмата, кои Вечер.мк ги ги објави, наведено е дека Цветанка Иванова и Васко Талевски немаат правосудно искуство, немаат стручни трудови и не се во категоријата истакнати правници за да бидат избрани за судии на Уставниот суд.
– Цветанка Иванова е позната како долгогодишен пратеник од редовите на СДСМ и државен службеник во општина Струмица кога градоначалник беше Зоран Заев, а и политички е именувана на функцијата генерален секретар на Собранието, предложена од Зоран Заев.
Иванова и Талевски се истакнати членови на СДСМ што е неспоиво со член 111 од Уставот.
Иванова доби јавна благодарница за нејзиниот ангажман од СДСМ, а Талевски беше член на извршиот одбор на СДСМ и јавно го ажурираше своето членство на 29 јануари 2021 година.
Ова јасно покажува дека двајцата кандидати немаат професионален капацитет, не се искакнати правници за да бидат избраби за Уставни судии, а нивниот партиски ангажман е спротивен на Уставот.
Со евентуалниот избор на Иванова и Талевски, ќе се изврши партизација и девалвација на Уставниот суд.
Ваквиот допис до странските амбасадори следуваше откако во комисијата за избори и именувања, завчера, пратениците од СДСМ надвор од Уставот и деловникот за работа на Собранието, насила се обидоа да ги протнат предлозите Цветанка Иванова и Васко Талевски да бидат предложени за уставни судии, што наиде на несогласување кај опозицијата.
