СДСМ: Владата гради позитивна бизнис клима, земјата станува атрактивна за инвестиции

27

Владата на СДСМ гради позитивна бизнис клима, со која нашата економија и во време на пандемија е атрактивна дестинација за инвестиции, се вели во партиското соопштение од неделата.

„Инвеститорите ја препознаваат позитивната стабилна клима за вложување во нашата економија и отворениот и инклузивен пристап на Владата предводена од СДСМ за креирање услови за побрз развој и одржливост на стопанството. Процесот на реализација на директните странски инвестиции во земјата се одвива тековно и во време на пандемијата со коронавирусот“, уверуваат од СДСМ.

Според владејачката партија за тоа говорел вториот инвестициски проект  на компанијата „ВИК (WIK) Македонија“ во технолошко-индустриската развојна зона Прилеп, кој доби државна поддршка. Станува збор, како што појаснуваат, за инвестиција во вредност од 2,5 милиони евра со која е предвидено да се вработат нови 100 лица.

„Ова е потврда за позитивната и стабилна клима за инвестирање што ја гради Владата предводена од СДСМ, препознавање на предностите од членството во НАТО и забрзаниот процес на интеграција во ЕУ. Со членството во НАТО, со процесот на отворање на преговори за членство во ЕУ, Република Северна Македонија станува атрактивна дестинација за сериозни странски вложувања и наскоро се очекува реализација на уште неколку големи инвестиции“, се додава во партиското соопштение.

 

Владата, како што се наведува во изјавата од СДСМм продолжува со реализација на мерки и политики кои “создаваат позитивна, стабилна и предвидлива бизнис клима и градење на нова, развојна македонска економија, стимулирање нови инвестиции и на домашните и на странските компании за да се отворат нови подобро платени работни места за нашите граѓани“.

Доколку преземете содржина од оваа страница, во целост сте се согласиле со нејзините Услови за користење.