Министерството за ранспорт и врски распиша оглас за инвеститори за 10 градежни парцели на кои ќе можат да се градат индустриски објекти и стоваришта, во новоформираната индустриска зона во Неготино.
Станува збор за 10 локации кои се со намена за објекти од лесна индустрија и стоваришта со површини од 4.300 до 18.315 метри квадратни, со процент на изграденост 70 отсто.
Почетната цена на јавното наддавање изнесува 61 денар од метар квадратен, а пријавите за учество на јавното наддавање може да се достават најдоцна до 28 јули на интернет-страницата www.gradezno-zemjiste.mk
Јавното надавање ќе започне на 31 јули во 9.00 часот и ќе трае еден час, за сите парцели.