Се подготвува тужба против НАТО поради бомбардирањето во Србија

Специјален тим составен од домашни и странски адвокати и лекари во име на жртви, подготвуваат тужба против 19 членки на НАТО кои учествуваа во бомбардирањето на Србија, објави Радиотелевизија Србија (РТС).

Лекарите треба да докажат дека постои врска меѓу порастот на најтешките болести и користењето ураниум за време на бомбардирањето.

Врз Србија во 1999 година според признание на НАТО, биле фрлени над 10 тони ураниум, главно на Косово, но и на четири локации на југоисток на Србија.

Уште во првите две години по бомбардирањето е регистриран зголемен број хематолошки и бубрежни заболувања.

„Сега статистиката зборува за енормен процент. За епидемија на малигни болести, аномалии кај новородени, самиот факт дека кај едно дете дневно се утврдува малигно заболување, доволно зборува за ризикот“, изјави Радомир Ковачевиќ,член на тимот, токсиколог во Институтот за медицина на трудот и радиолошка заштита.

Доколку преземете содржина од оваа страница, во целост сте се согласиле со нејзините Услови за користење.