Поради сообраќајна несреќа на магистралниот пат Удово – Демир Капија утрово од 7.20 часот сообраќајот е во прекин во двата правци.
Од МВР за Нетпрес информираат дека сообраќајната несреќа се случила утрово околу 07.15 часот во близина на месноста „Света Петка“. Во несреќата се судриле патнички автомобил „фиат сеиченто“ со скопски регистарски ознаки и автобус на „Струмица Експрес“.
Во несреќата починала сопатничката во автомобилот Б.П. од Скопје.
Засега нема информации за состојбата на возачот на автомобилот и за патниците од автобусот. Од МВР најавуваат повеќе информации за подоцна во текот на денот.
