Се зголемува бројот на заразени меѓу медицинскиот персонал во струмичката болница, директорот апелира за нови вработувања

39

На лекување во струмичката болница во моментов има 18 пациенти, а 45 се лекуваат со примање терапија во дневна болница, информира директорот на болницата, д-р Наќе Гогов, моментално на болничко лекување. Во болницата има 40 кревети за лекување на заболени од Ковид-19.

Според раководството на болницата, загрижувачки е растот на бројот на заразени членови на медицинскиот персонал. Во моментов тринаесет медицински сестри, двајца лекари и еден рентген техничар се позитивни на корона вирусот и се во изолација

-Тоа уште повеќе ни го отежнува и вкупното работење на болницата. Уште еднаш апелирам да ни дозволат да направиме прием на персонал, сестри и лекари, за да може да работиме вели директорот Гогов.

Според вчерашните податоци во струмичкиот регион досега се регистрирани 1.244 случаи на ковид дијагностицирани од кои активни се 625.

Доколку преземете содржина од оваа страница, во целост сте се согласиле со нејзините Услови за користење.