Седум полесно повредени во Европа-Парк

Седум пожарникари се полесно повредени додека го гаснеле големиот пожар кој го зафатил подрачјето на забавниот Европа-Парк на западот од Германија, објави во полицијата во неделата кога паркот повторно беше пуштен во употреба.

Пожарот избувнал во саботата вечерта во еден склад и се проширил кон атракцијата „Пиратска пештера“, којашто е потполно уништена.

Околу 250 пожарникари до неделата дежурале на местото од пожарот чијашто причина засега е непозната. Седуммина од нива се полесно повредени при гаснењето, објави градската полиција на Офенбург.

Околу 25.000 лица се евакуиран во саботата од овој забавен парк, а ниеден посетител не настрадал. Паркот повторно е отворен веќе во неделата, но повеќе од атрактивните инсталации во „Германскиот“ и „Скандинавскиот“ дел од паркот останаа затворени поради претрпените оштетувања.

Востановен во 1975 година Европа-Парк, кој минатата 2017 година забележал 5,7 милиони посетители, е вториот најпопуларен забавен парк во Европа, по парискиот Дизниленд.

Доколку преземете содржина од оваа страница, во целост сте се согласиле со нејзините Услови за користење.