Седум жртви во сообраќајка во Унгарија

Вкупно седум лица денеска загинаа во два автомобили во сообраќајна несреќа што се случила на прометен автопат во Унгарија.

Локалната полиција соопшти дека несреќата се случила кога камион излетал од спротивна лента и удрил во автомобилите. Се уште не е јасно зошто камионџијата изгубил контрола врз возилото.

Двата автомобили во кои удрил камионот целосно изгореле, а жртвите во нив се уште не се идентификувани.

Несреќата се случила на автопатот М5, 145 километри јужно од Будимпешта. Автопатот е главната сообраќајна рута меѓу Унгарија, Србија и Украина.

Доколку преземете содржина од оваа страница, во целост сте се согласиле со нејзините Услови за користење.