Селтик ги суспендираше сезонските билети на навивачка група која ја поддржуваше Палестина

Претставниците на навивачката група на шкотскиот фудбалски клуб Селтик, „Зелената бригада“ истакнаа транспаренти на „Селтик парк“ со пораки „Слобода за Палестина“ и „Победа за отпорот“. Тие донесоа и палестински знамиња на натпреварот со Атлетико Мадрид (2:2) во Лигата на шампионите.

Според „The ​​Telegraph“, околу 200 членови на навивачката група биле известени дека нивните сезонски билети повеќе не важат.

„Зелената бригада“ најави дека нема да биде на вечерашниот натпревар на Селтик со Сент Мирен (20:45 часот).

Челниците на клубот најави разговори со навивачи за да се решат недоразбирањата.

Во писмото од клубот се вели дека е преземена силна акција по „повторените инциденти со неприфатливо однесување“. Нагласено е дека „ќе биде суспендиран и пристапот до билети за гостински натпревари за навивачите регистрирани како дел од групата“.

Доколку преземете содржина од оваа страница, во целост сте се согласиле со нејзините Услови за користење.